非常速盜

安祖（史葛伊士活 飾）同加域（費迪霍 飾）係聞名江湖嘅神偷兄弟，專攻天價古董跑車。今次佢哋又再施展絕技，偷到極珍貴嘅1937年產「布佳迪」，點知意外惹上黑幫大佬！為咗保住命仔，兩兄弟唯有同黑幫大佬交易──佢哋必須喺一星期內偷走黑幫大佬死對頭收藏嘅1962年產「法拉利250 GTO」復古跑車。喺安祖女友（安娜迪艾瑪絲 飾）嘅幫助之下，兩人極速號召各路飆車、偷竊、爆破等頂尖好手組成聯盟，實行史上最瘋狂玩命嘅偷車計劃！