猴擒兄弟幫

「二十世紀福斯影片」開心呈獻，今年暑假壓軸最癲喪大笑片王《猴擒兄弟幫》，由《凸務Madam》賣座班底加《賤鄰50》抵死編劇，攜手抵死出動；《Party冇限耆》金童慾女：「爆肌型仔」碩克艾佛朗、「激凸辣椒」艾貝莉帕茜，聯同《完美巨聲幫》紅透全球的姐仔安娜姬妲妮、《見習冇限耆》戇實小生阿當迪芬等，帶你玩轉high過界婚禮，爆笑冇限期，更冇底線！故事改編真~人~真~事~（你絕對冇聽錯），聞風喪玩兄弟幫米克和戴夫，屎忽痕網上發帖廣招「玩伴」一pair，孖住去妹妹的夏威夷世紀婚禮。兩兜友本以為喪玩無極限，點知撻著索爆「狂野雙妹嘜」，招招食住晒，到底點樣他倆才能挽回臉子，同時又贏得美人歸？