生化壽屍(WY Retro)

古惑仔無敵和喪B是打理翻版影碟舖的死黨，平日好食懶飛，嫖賭飲蕩吹樣樣精。某天兩人奉大佬之命外出取車，歸途陰差陽錯遭遇誤飲生化葡萄適的黑幫份子，並將他帶回商場。人變屍，屍咬人，一個傳一個。隨鐵閘落下，是夜危機處處，無路可逃，群屍不甘寂寞誓要踩過界。吊吊揈的無敵和喪B會否做返次英雄，救人救己，殺出個黎明？

葉偉信早期又一齣低成本cult片代表作。名義上是向西方喪屍片取經，奈何資源有限，只能睇餸食飯，劍走偏鋒，封閉小商場搖身一變為屍殺死場，玩出新意思。一班角色性格突出，對白抵死啜核，借鑑電玩令影片形式更豐富。劇本不拘一格，後現代古惑仔搭上災難敍事，過程充滿黑色幽默，炮製別具市井風味的「港式壽屍」。

以35mm菲林放映。

4/2: 映後談講者鄭保瑞