故事簡介

老豆最危險嘅家庭活動，隨時就係⋯⋯去旅行？

「猛料扮冇料」嘅住家殺神Hutch（《絕命律師》卜奧登科克），之前因誤惹黑幫，身負巨債，要暗中接Job密密殺填氹。Hutch兩公婆太「操勞」關係劣化，為修補關係，決定一家大細加埋Kam爆老爺及哎吔兄弟，齊齊到兒時最愛嘅遊樂園度個靚假；點知一場小爭執，令眾人與當地惡警及貪污樂園負責人交惡，Hutch更無辜成為黐筋女揸Fit人（殿堂女星莎朗史東）追殺對象，逼使冚家展開血腥求生戰！環球影業獻上《殺神NOBODY 2》暑假壓軸登場，觀眾想唞暑都唔得閒！